ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Татарстанда ипотека кредитлары саны өч тапкыр арткан
Омск өлкәсенең Тайчы авылы китапханәсенә дүрт тапкыр артыграк китап тупланган
Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште
Мәскәү Сабан туенда лотореяга машина уйнатылачак
Питрәч районында юл кырыена төшеп киткән “Дэу” машинасының йөртүчесе үлгән

Җәмгыять

Татарстанга карлы көчле җил белән төньяк атлантик циклон якынлаша

13 февраль 2017, 15:49

Татарстанга карлы көчле җил белән төньяк атлантик циклон якынлаша Татарстан синоптиклары күз күреме начарлануын, кар көртләре һәм бозлавык булачагын кисәтә.

(Казан, 13 февраль, «Татар-информ»). Татарстанның Гидрометеорология һәм әйләнә-тирә мохитне күзәтү идарәсе төбәккә төньяк атлантик циклон якынлашу сәбәпле һава торышы бозылу турында кисәтү таратты.

Синоптиклар фаразлавынча, бүген кичке сәгать 8дән иртәгә кичке сәгать 10га кадәр Татарстанда, шул исәптән Казанда, буран көтелә, күз күреме 500–1000 метрдан да азрак булачак; кар явачак, урыны белән көньяк-көнбатыштан иртән һәм көндез секундына 17–22 метр тизлектәге көчле җил. Юлларда кар көртләре. Казанда һава температурасы дүшәмбедән сишәмбегә 7 дән 9 градуска кадәр салкын, көндез 5-7 градус салкын булачак. Юлларда кар көртләре һәм бозлавык, дип кисәтә синоптиклар.

14 февральдә кичен, метеорологлар фаразлавынча, Татарстан территориясендә аязучан болытлы һава, күпчелек районнарда төнлә һәм иртән бераз буранлап алу ихтималы бар. Төнлә һәм иртән көньяк-көнбатыштан һәм көньяктан уртача җил, һава температурасы төнлә 8дән 13 градуска кадәр салкын, көнчыгыш районнарда 16 градус салкын фаразлана. Көндез һава температурасы 5тән 10 градуска кадәр салкын булачак.

15 февральдә аязучан болытлы һава, күпчелек районнарда бераз кар һәм урыны белән җиңелчә буран көтелә. Җил төньяктан исә башлый, һава температурасы 8дән 13 градуска, көнчыгыш районнарда 17 градуска чаклы салкын булыр дип фаразлана. Көндез 6дан 11 градуска кадәр түбән төшәчәк. Юлларда бозлавык саклана. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10