ҺАВА ТОРЫШЫ +28 oC

Яңалыклар

барлык хәбәрләр Татарстан Россия
МӨҺим
Балтач районында өч авыл халкы утсыз калган
Казанда Н.Назарбаев урамындагы юл транспорт хәрәкәте өчен ябык
Татарстанда ике җиңел машина бәрелешеп, бер егетнең башы имгәнгән
“Ак калфак” оешмасы Арчадан чыккан язучылар сурәтләгән йолалар турында фикер алышачак
Татарстанда "Шәле-Баулы" автомагистрале төзелеше бара

Рәсми Татарстан

Дәүләт Думасы рәисе Казанда Иске Татар бистәсенең тарихи объектлары белән танышты

13 февраль 2017, 13:59

Җирле истәлекле урыннарның тарихы белән Татарстан Республикасы Президенты ярдәмчесе Олеся Балтусова таныштырган.

(Казан, 13 февраль, “Татар-информ”). Россия Федерациясе Федераль җыены Дәүләт Думасы рәисе Вячеслав Володин бүген Казанда Иске Татар бистәсенең тарихи объектлары белән танышты. Бу хакта Татарстан Республикасы Президенты матбугат хезмәте хәбәр итә.

Исегезгә төшерәбез, Вячеслав Володин Татарстан Республикасына кыска вакытлы сәфәр белән килде.

Иске Татар бистәсе Казанның тарихи истәлекле урыннарның берсе. Ул шәһәрнең үзәгендә урнашкан. Биредә архитектура ансамблен элекке татар сәнәгатьчеләре, сәүдәгәрләре һәм руханиларның йортлары тәшкил итә. Шулай ук Габдулла Тукай музее, тарихи һәм мәдәни мирас объекты булып саналган Мәрҗани мәчете дә Иске Татар бистәсендә урнашкан.

Җирле истәлекле урыннарны карау вакытында белешмәләрне Татарстан Республикасы Президенты ярдәмчесе Олеся Балтусова җиткереп барган. Аерым алганда, ул 18-19 гасырларда, революция алды елларында татар сәүдәгәрләре һәм сәнәгатьчеләренең көнкүреше үзенчәлекләре турында сөйләгән.

Вячеслав Володинны Татарстан Республикасы Президенты Рөстәм Миңнеханов, Татарстан Республикасы Дәүләт киңәшчесе Минтимер Шәймиев, Татарстан Республикасы Дәүләт Советы рәисе Фәрит Мөхәммәтшин һәм башка рәсми затлар озатып йөргде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10