ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Җәмгыять

Алабугада шәхси йорт хуҗаларына көнкүреш калдыкларын чыгару буенча килешү төзергә кирәк

11 февраль 2017, 07:00

Кагыйдәне бозучыларга 2 мең сумнан 3,5 мең сумга кадәр штраф каралган.

(Алабуга, 11 февраль, "Татар-информ", "Алабуга нуры"). Алабуга шәхси йорт хуҗаларына көнкүреш калдыкларын чыгару буенча килешү төзергә кирәк, дип яза "Алабуга нуры" газетасы.

Муниципаль тикшерү бүлеге һәм район Башкарма комитеты Алабугада яшәүчеләргә шундый чакыру белән мөрәҗәгать итте. Андый килешүнең булырга тиешлеге шәһәрне төзекләндерү кагыйдәләрендә каралган. Кагыйдәләрне бозучы гражданнарга карата 2 мең сумнан 3,5 мең сумга, вазифаи затларга 15 меңнән 30 мең сумга кадәр, юридик затларга 200 меңнән 500 мең сумга кадәр административ штраф салынырга мөмкин.

Район Башкарма комитетыннан хәбәр итүләренчә, тәртип бозу кабатланган очракта, штраф күләме икеләтә арта.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10