ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
ТР иҗтимагый палатасы әгъзасы ташъязма истәлекләрне торгызу көнен булдыру кирәк дип саный
Дамир Фәттахов Яшьләр хөкүмәтенә үз ведомствосы эшчәнлегендә катнашырга тәкъдим итә
Тамбов Сабан туе Уваров районы оешуга 90 ел тулуга багышлана
Айрат Зарипов: Казан турында уңай тәэсирләр чит ил матбугат чараларында һаман чыга
19 июльнең төп вакыйгалары - фото һәм сылтамалар

Хәвеф-хәтәр

Нурлат районында янгында ир-ат һәлак булган

10 февраль 2017, 10:49 , Фото: ГУ МЧС России по РТ

Нурлат районында янгында ир-ат һәлак булган Ир-ат кулында тәмәке була торып, кәнәфидә йоклап киткән, нәтиҗәдә өйдә янгын чыккан.

(Казан, 10 февраль, “Татар-информ”). Татарстанның Нурлат районында шәхси йортта янгын чыгып, ир-ат һәлак булган. Бу хакта «Татар-информ» мәгълүмат агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итә.

Фаҗига бер көн элек Сәләнгеш авылының Гагарин урамында булган. Янгын сүндерүчеләрне шушы йорт хуҗабикәсе һәм авыл җирлеге башлыгы каршы алган. Алар янгынны үз көчләре белән сүндерүе турында хәбәр иткән. Янгын чыгу урынында хатын-кыз үзенең тормыш иптәшенең гәүдәсен тапкан.

4 февраль көнне өлкән яшьтәге ир-ат һәм хатын-кызның пенсия алуы ачыкланган. Бу акчага алар шушы фаҗига булган көнгәчә хәмер эчкән. Аек булмаган гаилә башлыгы тәмәке тартырга дип өйалдына чыккан һәм шунда кәнәфидә йоклап киткән. Шул сәбәпле, кәнәфигә ут капкан һәм 62 яшьлек ир-ат һәлак булган. Төтен исен аның хатыны сизгән. Өйалдына чыккач, ул бөтен бүлмәгә төтен тулганын, идәндә аның ире ятуын күргән. Кулына ике чиләк су алып, ул иренең киемендәге утны һәм бүлмәдәге җиһазларга үрмәләгән ялкынны сүндергән.

Йортта 7 кеше яшәгән: өлкән яшьтәне ир-ат белән хатын-кыз, аларның уллары, киленнәре һәм 3 кечкенә оныклары.

2017 елның гыйнварында янгын саклау хезмәте хезмәткәрләре һәрбер гаиләне янгын куркынычсызлыгы кагыйдәләре белән таныштырган вакытта бу йортка да кергән. Аларга янгын куркынычсызлыгы буенча инструктаж үткәрелгән, махсус белешмәлекләр тапшырылган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10