ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
Мошенник “кармагына“ эләккән чирмешәнле 22 мең сум акчасыннан колак каккан
Саба һәм Теләче районнарыннан 15 егет Россия Кораллы Көчләренә хәрби хезмәткә китте
Чирмешән мәктәпләре укучылары 85 тонна макулатура, 7 тонна пластик савыт-саба җыйган
Яңа Чишмә районы хуҗалыкларында савым арта
Менделеевскида чыгарылыш балы датасы билгеле

Җәмгыять

Марат Әхмәтов Франциянең токымлы атлар агентлыгы президенты Жан-Пьер Дерубэ белән очрашты

9 февраль 2017, 14:22

Марат Әхмәтов Франциянең токымлы атлар агентлыгы президенты Жан-Пьер Дерубэ белән очрашты Очрашу барышында алар үзара файдалы хезмәттәшлек һәм уртак проектларны гамәлгә ашыру мөмкинлекләре турында фикер алышты.

Бүген Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов Франциянең токымлы атлар агентлыгы президенты Жан-Пьер Дерубэ белән очрашты. Очрашу Игенчеләр сараенда узды, дип хәбәр итә Татарстан Авыл хуҗалыгы һәм азык-төлек министрлыгы матбугат хезмәте.

Анда шулай ук Татарстан Республикасы авыл хуҗалыгы һәм азык-төлек министрының терлекчелек буенча урынбасары Нәҗип Хаҗипов катнашты.

Очрашу башында Марат Әхмәтов Татарстан Республикасының агросәнәгать комплексы торышы турында сөйләде. Аерым алганда, ул 2016 ел йомгаклары буенча Татарстанның Россия Федерациясе субъектлары арасында авыл хуҗалыгы продукциясен җитештерүнең тулаем күләме буенча 3 урында булуын әйтеп узды. «Һава шартларының үзгәреп торуына карамастан, бүгенге заманча технологияләр тармакта тотрыклылыкны саклап калырга ярдәм итә, – диде Марат Әхмәтов. – Татарстан – үз-үзен тәэмин итә торган төбәк. Кайбер ашамлык төрләрен без республика ихтыяҗыннан күпкә артыграк җитештерәбез».

Министр Татарстанның чит илләр партнерлары белән багланышлар урнаштыруда кызыксынуын билгеләп узды.

Жан-Пьер Дерубэ, үз чиратында, үз компаниясе турында, Гарәб илләре вәкилләре белән хезмәттәшлек итү һәм Берләшкән Гарәб Әмирлекләрендә уздырыла торган чабышларда катнашуы турында сөйләде. Ул агентның атларны Нормандиядән сатып алуын әйтте.

Очрашу барышында алар үзара файдалы хезмәттәшлек һәм уртак проектларны гамәлгә ашыру мөмкинлекләре турында фикер алышты. Соңыннан Марат Әхмәтов мөхтәрәм кунакны Казанда узачак «Россия – Ислам дөньясы: KazanSummit 2017» IX Халыкара икътисадый саммитка чакырды.

Бүген шулай ук Жан-Пьер Дерубэ белән Татарстан Республикасы Президенты Рөстәм Миңнеханов очраша.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10