ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Зәйдәге торак йортта газ шартлауның башлангыч сәбәбе билгеле булды
Рөстәм Миңнехановка Зәйдәге гадәттән тыш хәл турында соңгы мәгълүматлар хәбәр итеп торыла
Зәйдә газ шартлаган йорттан кешеләрне күчерделәр
22 июньнең төп вакыйгалары - фото һәм сылтамалар
Әтнә авыл хуҗалыгы техникумы быел 47 механик әзерләп чыгара

Мәдәният

Татарстан музейлары дүрт телдә – рус, татар, инглиз һәм кытайча хезмәт күрсәтә башлаячак

7 февраль 2017, 11:29

Татарстан музейлары дүрт телдә – рус, татар, инглиз һәм кытайча хезмәт күрсәтә башлаячак Бу хакта Татарстан Мәдәният министрлыгы һәм Татарстан Туристлык буенча дәүләт комитетының уртак боерыгы бар.

(Казан, 7 февраль, «Татар-информ», Рузилә Мөхәммәтова). Татарстан Республикасында дәүләт музейлары һәм музей-тыюлыкларында тиздән туристларга бөтен мәгълүмат дүрт телдә – рус, татар, инглиз һәм кытайча тәкъдим ителә башлаячак. Бу хакта Татарстан Республикасы Мәдәният министрлыгы һәм Татарстан Республикасының Туристлык буенча дәүләт комитетының уртак боерыгы бар. Һәм ул боерык Татарстан Республикасы Хокукый мәгълүматының рәсми порталында урнаштырылган. Әлеге боерык нигезендә Татарстан Республикасында дәүләт музейлары һәм музей-тыюлыклары эшчәнлеген оештыруның минималь таләпләре расланган. Музейлар һәм музей тыюлыклар бу таләпләрне гамәлгә ашыру сметасын санап чыгарырга тиешләр.

Расланган таләпләр нигезендә Татарстан Республикасында дәүләт музейлары һәм музей-тыюлыкларында урын карталары, брошюралар, юл күрсәткечләре, җирле истәлекле урыннар билгеләнгән һәм Татарстан Республикасының туристлык мөмкинлекләре турында башка мәгълүмат бирелгән карта-схемалар, алда көтелгән мәдәни-күңел ачу чаралары турында афишалар (программалар) туристларга дүрт телдә – рус, татар, инглиз һәм кытайча тәкъдим ителергә тиеш. Экспонатларның аңлатмасы да дүрт телдә язып куелачак.

Шунысы да игътибарга лаек, Татарстан Республикасы дәүләт музейлары һәм музей-тыюлыкларының интернеттагы рәсми сайтларында мәгълүмат рус, татар, инглиз һәм кытай телләрендә урнаштырылырга тиеш була.

Татарстан Республикасында дәүләт музейлары һәм музей-тыюлыклар эшчәнлеген оештыруга минималь таләпләрдә музейларларда wi-fi булуы, банк карточкалары белән түләү мөмкинлеге һәм велосипед кую урыннары ясау таләпләре каралган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10