ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
“Мерседес” бәрдергән 8 яшьлек малай хастаханәдә үлгән
Волонтерларга күбрәк нинди сораулар буенча мөрәҗәгать итүләре билгеле булды
Түбән Карамалыда янгында бала һәлак булган
И.Метшин, ДЧ финалының 1/4 өлешендә Россия катнашса, матчка барырга тырышачагын әйтте
Түбән Камада экскаваторның өч машинаны бәрдергәнен видеога төшергәннәр

Фән һәм мәгариф

Әлмәт укытучылары арасында "Йөрәгемне балаларга бирәм" конкурсы уза

7 февраль 2017, 04:00

Әлмәт укытучылары арасында Һәр номинациядә беренчелеккә чыккан укытучылар 16 март көнне Лениногорскида бәйгенең төбәк этабында чыгыш ясаячак.

(Әлмәт, 7 февраль, "Татар-информ", "Әлмәт таңнары"). "Ел укытучысы" республика бәйгесе кысаларында ел да Әлмәттә иң сәләтле һәм алдынгы укытучылар арасында “Йөрәгемне балаларга бирәм” дигән конкурс уза, дип яза районның "Әлмәт таңнары" газетасы.

"Ел укытучысы – 2017" бәйгесе берничә номанициядә уза, анда катнашып үзләрен сынап карарга теләгән идеялы укытучылар саны да елдан-ел арта бара. "Сыйныф җитәкчесе" номинациясендә быел Әлмәттән 44 мөгаллим катнашырга теләк белдергән, "Өстәмә белем бирү педагогы" - 8, "Педагог-оештыручы" номинациясендә 4 кеше әзерләнгән.

– Тәҗрибәңне башкаларга җиткерү, нәтиҗәлекне арттыру, профессиональ яктан үсү өчен мондый бәйгеләрнең әһәмияте бик зур. Бу чара мөгаллимнәр өчен яңа ишекләр ача. Тагын да камилләшү өчен укытучылар бер-берләреннән күреп эшли башлый, төрле проектларда катнашырга, авторлык эшләре булдырырга тырыша, – ди тәрбия эшләре буенча Әлмәт мәгариф идарәсе башлыгы урынбасары Римма Хәлимова.

Бәйгенең муниципаль этабының өченче сайлап алу турына барлыгы 8 укытучы чыккан иде. Алар хөкемдарлар каршында "мастер-класс"лар күрсәтте, үзләре хакында сөйләде.

Җиңү түгел, ә катнашу мөһим дисәләр дә, конкурсның төбәк этабына Әлмәт данын яклап барачак мөгаллимәләр билгеләнде. "Сыйныф җитәкчесе" номинациясендә өченче урын 10 нчы мәктәптә башлангыч сыйныф укытучысы Светлана Игнатьевага, икенче урын 4 нче мәктәптән Лилия Сабитовага, ә беренче урын 20 нче мәктәп мөгаллимәсе Гөлнара Гыйләҗетдиновага бирелде. "Өстәмә белем бирү укытучысы" номинациясендә икенче урынга Резеда Шәрипова (25 нче мәктәп), беренче урынга Сабина Менли-Асанова (10 нчы мәктәп), "Педагог –остаз" номинациясендә алдынгы урынга Евгения Баламутина, (Рус Акташы авылы мәктәбе) лаек булды.

Һәр номинациядә беренчелеккә чыккан укытучылар 16 март көнне Лениногорскида бәйгенең төбәк этабында чыгыш ясаячак, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10