ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Кукмара районының Өлге авылында "Чана бәйрәме" узды

7 февраль 2017, 02:00

Кукмара районының Өлге авылында Бер гасырлык чанага утырып фотога төшүчеләр аеруча күп булды.

(Кукмара, 7 февраль, "Татар-информ", "Хезмәт даны"). Районыбызның Өлге авылында Гамир Саләхов ясаган тау янында узган бу бәйрәм һәркемнең күңеленә хуш килде, дип хәбәр итә районның "Хезмәт даны" газетасы.

Бәйрәмгә килүчеләр кайнар чәй, коймак белән сыйландылар. Балалар гына түгел, өлкәннәр дә уеннарда бик теләп катнашты. Җәядән ук ату бәйгесендә Сазтамак авылыннан кунакка килгән Эльвина Әшрәбҗановага тиңнәр булмады. Өлкәннәр яшь буынга күрсәтү өчен борынгы чаналар да алып килгән иде. Нәзирә апа Фаезованың матур итеп бизәлгән 100 яшьлек чанасына утырып фотога төшүчеләр аеруча күп булды. Бәйрәм барышында иҗади конкурс: карга төсле су сиптереп рәсем ясау да оештырылды. Бәйрәмнән халык яхшы кәеф, күтәренке күңел, оештыручыларга рәхмәт сүзләре әйтеп таралышты.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10