ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Фән һәм мәгариф

Зәй районында балалар ялын оештыруга җитди игътибар бирелә

6 февраль 2017, 08:00

Зәй районында балалар ялын оештыруга җитди игътибар бирелә Быел “Артек”ка бюджет урыннары электрон система буенча бүленә.

(Зәй, 6 февраль, "Татар-информ", "Зәй офыклары", Энҗе Әгъләмова). Балалар ялын оештыруга Зәй районында җитди игътибар бирелә. Зәй яшьләр эшләре идарәсе мәгълүматы буенча, район территориясендәге ял-сәламәтләндерү лагерьларыннан тыш, диңгез буендагы ял урыннарына юлламалар бирү дә гамәлдә, дип яза районның "Зәй офыклары" газетасы.

Мәсәлән, соңгы ике елда “Артек” халыкара балалар үзәгендә 7 зәйле ял иткән. Алар - укуда да, җәмәгать эшләрендә дә актив үсмерләр.

Быел “Артек”ка бюджет урыннары электрон система буенча бүленә. Интернет челтәре аша “Путевка” дип аталган автоматлаштырылган система, баланың ел дәвамындагы уңышларына карап, кандидатлар исемлеген булдыра. Шуңа күрә хәзер һәр ата-ана баласының Мактау грамоталарың, дипломнарын, төрле уңышларын дәлилләгән документларны әлеге системага кертә ала, шуның буенча критерий билгеләнә. Моның өчен мөстәкыйль рәвештә интернет челтәрендә АИС ”Путевка” системасында теркәлергә кирәк. Ә юлламаны оту өчен укуда да, шәһәр-район, республика чараларында да алдынгы булу зарур.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10