ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Җәмгыять

Сабада Васил Гарифуллин исемендәге "Серле каләм" яшь журналистлар бәйгесе үтте

3 февраль 2017, 22:00

Сабада Васил Гарифуллин исемендәге Район иҗат бәйгесендә 130га якын эш каралды, 50ләп мәктәп укучысы катнашты.

(Саба, 3 февраль, "Татар-информ", "Саба таңнары"). Сабада Васил Гарифуллин исемендәге "Серле каләм" яшь журналистлар бәйгесе үтте. Иҗат бәйгесендә 130 якын эш каралды, анда 50 якын мәктәп укучысы катнашты, дип яза районның "Саба таңнары" газетасы.

Укучыларны бүләкләү тантанасына якташларыбыз – Казан федераль университетының социаль-фәлсәфи фәннәр һәм гаммәви коммуникация институтының татар журналистикасы кафедрасы мөдире, филология фәннәре докторы, профессор, Россия Федерациясе югары һөнәри белем өлкәсенең мактаулы хезмәткәре Васил Гарифуллин, КФУның татар журналистикасы кафедрасы доценты, филология фәннәре кандидаты, “Ватаным Татарстан” газетасы журналисты Рәсимә Галиева, “Мәдәни Җомга” газетасының журналисты, Татарстанның атказанган мәдәният хезмәткәре Сөембикә Кашапова кайткан иде.

Яшь иҗатчыларны тәбрикләүдә шулай ук Башкарма комитет җитәкчесенең беренче урынбасары Таһир Шәрәфиев, Яшьләр эшләре һәм спорт бүлеге җитәкчесе Ирек Гарипов, “Саба таңнары” газетасы мөхәррире Рөстәм Исмәгыйлов катнашты, диелә район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10