ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Хәвеф-хәтәр

Түбән Камада өч тапкыр бер үк банкоматтан акча урларга маташучы кулга алынган

2 февраль 2017, 14:06 , Фото: УМВД России по Нижнекамскому району

Түбән Камада өч тапкыр бер үк банкоматтан акча урларга маташучы кулга алынган Угрыга карата җинаять эше кузгатылган.

(Казан, 2 февраль, “Татар-информ”). Түбән Камада полиция хезмәткәрләре банкоматтан акча урлаучы 19 яшьлек җинаятьчене кулга алган. Бу хакта Татарстан Республикасы Эчке эшләр министрлыгы матбугат хезмәте хәбәр итә.

Беренче тапкыр  егет банкоматтан акчаны урларга 2016 елның 14 декабрендә тырышып караган. Түбән Кама югары уку йортларының берсендә белем алучы студент төнге сәгать өчтә Саклык банкы бүлегенә килеп, кул астында булган әйберләр белән терминалны ватарга теләгән. Ләкин шул вакытта кабынган саклау системасы җинаятьчене куркыткан һәм ул качып котылган. 

Шул ук банкоматны вату нияте белән ул 20 декабрь көнне яңадан килгән. Егет бу юлы үзе белән слесарь мотажкасы алган. Бу юлы да аны саклау системасы куркыткан.

Полиция хезмәткәрләре егетне ул банкоматка өченче тапкыр, 24 декабрь көнне килгәч, кулга алган.

Ул үзенең гаебен таныган. Аңа карата җинаять эше кузгатылган. Хәзергә аңа өеннән чыгу тыелган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10