ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Татар дөньясы

“Культура России” программасы буенча акча алып, китап нәшрияте китаплар чыгарган

1 февраль 2017, 17:54

“Культура России” программасы  буенча акча алып, китап нәшрияте китаплар чыгарган Татарстан китап нәшрияте тарихында бу беренче тапкыр, ди директор Илдар Сәгъдәтшин.

(Казан, 1 февраль, “Татар-информ”, Лилия Локманова). Узган ел Татарстан китап нәшрияте тарафыннан 226 исемдә китап бастырып чыгарылган. Аларның тулаем тиражы 500 меңгә якын. Шулар арасында 110 исемдәге басма социаль яктан әһәмияткә ия. Аларның тиражы 237 мең 200 данә.

Бу хакта бүген “Татмедиа” Республика матбугат һәм массакүләм коммуникацияләр агентлыгы утырышында Татарстан китап нәшрияте директоры Илдар Сәгъдәтшин хәбәр итте.

“Нәшер ителгән һәм социаль яктан әһәмиятле басмаларның 80 проценты республикабыздагы һәм татарлар күпләп яшәгән китапханәләргә тапшырылды”, - диде Илдар Сәгъдәтшин.

Аның сүзләренчә, нәшрият бастырган китапларны сатудан кергән табыш, 2016 елда 22,5 процентка арткан. Салым түләү исә 21,5 процентка үскән.
Моннан тыш, Татарстан китап нәшрияте тарихында беренче тапкыр, “Культура России” программасы кысаларында китап бастыруга акча бүлеп бирелгән. Аның суммасы 550 мең сум тәшкил итеп, 2 телдә “Җәлил варисларына”, “Татарстан халыклары әкиятләре”, моннан тыш, Айдар Хәлимнең татар телендә “Татар солдаты” китаплары бастырылган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10