ҺАВА ТОРЫШЫ +14 oC

Яңалыклар

барлык хәбәрләр Татарстан Россия
МӨҺим
Татар рәссамнары белән тарихчылар халыкка тарихи белем бирү проектларын башлап җибәрәләр
Татарстан әниләрен эшмәкәрлек нигезләренә бушлай укытачаклар
18 июньнең төп вакыйгалары - фото һәм сылтамалар
Варшавада татар кухнясы көннәрендә чәкчәк пешерергә өйрәтәчәкләр
Чиләбедә Татар халык театры яңадан эшли башлады

Җәмгыять

Әгерҗе мәктәбендә “Татар халык ашлары“ ярминкәсе уздырганнар

31 гыйнвар 2017, 02:00

Әгерҗе мәктәбендә “Татар халык ашлары“ ярминкәсе уздырганнар Әгерҗедә кызыклы чаралар аша балаларда телебезгә, гореф-гадәтләргә, йолаларга хөрмәт тәрбиялиләр.

(Казан, 31 гыйнвар, "Татар-информ", "Әгерҗе хәбәрләре"). Әгерҗенең 4нче мәктәбендә татар теле ункөнлеге кысаларында “Татар халык ашлары“ ярминкәсе уздырдылар дип хәбәр итә район газетасы.

Укучылар бу бәйрәмне ел саен көтеп алалар һәм зур активлык күрсәтәләр. Бу юлы да һәр сыйныфтан милли ашлар – чәкчәк, өчпочмак, гөбәдия, коймак, кыстыбый, кош теле пешереп алып килгәннәр. Өстәл өсте сый-нигъмәттән сыгылып тора иде. Калфак кигән кызлар, ыспай егетләр аларны матур итеп тәкъдим иттеләр. Хәтта бу милли ризыкларны пешерү рецептлары белән дә таныштырдылар. Ярминкәгә әти-әниләр, укытучылар да чакырылган иде. Алар да бик теләп тәм-томнар сатып алдылар. Укучылар кунакларны самавырда кайнаган хуш исле чәй белән сыйладылар. 

Әгерҗедә кызыклы чаралар аша балаларда телебезгә, гореф-гадәтләргә, йолаларга хөрмәт тәрбиялиләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10