ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Авыл

Казанда умартачыларның квалификациясен күтәрү курслары оештырыла

29 гыйнвар 2017, 12:56

Курсларда Умартачылык идарәсе, Татарстан Икътисад министрлыгы, республиканың ветеринария лабораториясе белгечләре чыгыш ясаячак.

(Казан, 29 гыйнвар, «Татар-информ»). Быел 27 февральдән 7 мартка кадәр Казанда, Татар агробизнесы кадрларын әзерләү институтында “Умартачылыкны үстерү нәтиҗәлелеген арттыру” программасы буенча умартачыларның квалификациясен күтәрү курслары узачак, дип хәбәр итә Татарстанның Авыл хуҗалыгы һәм азык-төлек министрлыгы матбугат хезмәте.

Курсларда катнашучылар алдында Умартачылык идарәсе, Татарстан Икътисад министрлыгы, республиканың ветеринария лабораториясе, «Пчелопром» сәүдә йорты белгечләре чыгыш ясаячак.

Уку барышында умарта кортлары гаиләсе биологиясе, умартачылык эшчәнлеге технологиясе, бал кортларының йогышсыз һәм йогышлы авырулары, диагностика мәсьәләләре каралачак. Шулай ук экологик чиста продукция алу өчен заманча җиһазлар тәкъдим ителәчәк, умартачылык оешмаларына җир алу мәсьәләләренә ачыклык кертеләчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10