ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Фән һәм мәгариф

Иртәгә "Байтик" үзәгендә "Әйдаманнар мәктәбе" эшли башлый

27 гыйнвар 2017, 13:06

"Әйдаманнар мәктәбе" "Сәләт"нең җәйге проектлары һәм форумнары өчен әйдаманнар командасы туплау өчен оештырыла.

(Казан, 27 гыйнвар, “Татар-информ”). 28 гыйнвардан 2 февральгә кадәр «Байтик» сәламәтләндерү үзәгендә (Татарстанның Биектау районы, Крутушка бистәсе) XV Республикакүләм әйдаманнар осталыгының «Әйдаманнар мәктәбе» узачак. Бу хакта «Сәләт» яшьләр фондының рәсми сайты хәбәр итә.

«Әйдаманнар мәктәбе 2017»

Чара Татарстан Республикасының Фән һәм мәгариф министрлыгы, Яшьләр эшләре һәм спорт министрлыгы һәм Татарстан Республикасының иҗтимагый «Сәләт» яшьләр фонды белән берлектә үткәрелә.

«Әйдаманнар мәктәбе» «Сәләт»нең җәйге проектлары һәм форумнары өчен әйдаманнар командасы туплау өчен оештырыла. Мәктәптә 200гә якын кеше катнашачак. Алар арасында үткән еллардагы катнашучылар да, әле күптән түгел генә «Сәләт» йортында яшь әйдаманнар өчен махсус курс үткәннәре дә бар.

Традицион очрашулар, остаханәләр (мастер-класс), дәресләр – барысы да быел яңа формата, дип вәгъдә бирә оештыручылар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10