ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Рәсми Татарстан

“Яңарыш” фонды Казан Кремленә “тотына”

26 гыйнвар 2017, 16:45 , Фото: tatarstan.ru

“Яңарыш” фонды Казан Кремленә “тотына”
Минтимер Шәймиев тиздән биредә төзекләндерү эшләре башланачагын хәбәр итте.

(Казан, 26 гыйнвар, “Татар-информ”, Лилия Локманова). “Яңарыш” республика фонды Казан Кремленә игътибарны арттырырга ниятли. Бу хакта бүген Татарстан Дәүләт Киңәшчесе, “Яңарыш” фонды Попечительләр Советы рәисе Минтимер Шәймиев Казан Кремлендә узган тантанада хәбәр итте.

Моңа кадәр фонд Болгар шәһәре һәм Зөя утрау шәһәрчеге тарихи объектларын торгызу, Болгар Ислам академиясен төзү, Казан Изге Ана иконасы соборын сафка бастыру буенча эшчәнлек алып бара иде.

Торжественная церемония вручения VII тома Книги благотворителей и Благодарственных писем Республиканского фонда "Возрождение". Принимает участие Государственный Советник Республики Татарстан, Председатель Попечительского Совета Республиканского фонда "Возрождение" М.Ш. Шаймиев: фото Михаила Козловского

“Башланган проектлар буенча эш алга таба да дәвам итәчәк. Әмма без Казан Кремленә кагылган мәсьәләләрне дә хәл итәчәкбез. Ул безнең Бөтендөнья ЮНЕСКО мирасына кергән беренче һәйкәл. Планда объектларны яхшы хәлдә тоту һәм төзекләндерү эшләре тора. Президент Аппаратыннан тыш, барлык административ органнар да Казан Кремле территориясеннән чыгарылган һәм төзекләндерү эшләре башланачак”, - дип хәбәр итте Минтимер Шәймиев.

“Казан Кремлен ЮНЕСКО объекты итеп таныганнан соң 10 елдан артык вакыт узды. Без кыенлыклар башлануын көтеп тора алмыйбыз. Бу бик нәзәкатьле эш. Без эшләгән бар нәрсә дә ЮНЕСКО комиссиясе тарафыннан югары бәяләнә”, - дип билгеләп үтте “Яңарыш” фондының Попечительләр Советы рәисе.

Минтимер Шәрип улы Зөя утрау-шәһәрчегендә урнашкан Успение соборын ЮНЕСКО мирасы итү буенча актив эш алып баруын да билгеләп үтте. Аның сүзләренчә, мондый исемгә лаек булу өчен беренче адымнар инде ясалган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10