ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Рәсми Татарстан

Татарстан җитәкчелеге Тунис белән хезмәттәшлек юнәлешләрен билгеләде

26 гыйнвар 2017, 13:29 , Фото: president.tatarstan.ru

Татарстан җитәкчелеге Тунис белән хезмәттәшлек юнәлешләрен билгеләде Татарстан Президенты Тунис аркылы Алжир һәм Марокко базарына чыгарга мөмкин дип саный.

(Казан, 26 гыйнвар, “Татар-информ”). Бүген Татарстан Президенты Рөстәм Миңнеханов Казанда Тунис Республикасының эшлекле даирәләре вәкилләре белән очрашты. Очрашу Татарстан Республикасының Хөкүмәт Йортында узды, дип хәбәр итә Президентның матбугат хезмәте.

"Бездә Якын Көнчыгыш һәм Төньяк Африка илләре, шул исәптән Тунис белән хезмәттәшлек үсешенә зур игътибар бирелә", – дип искәртте Рөстәм Миңнеханов. 

Ул Россия өчен ислам дөньясының зур әһәмияткә ия булуына басым ясады. Бүген Россия Федерациясе территориясендә 20 миллионнан артык мөселман яши. Шулай ук ислам дәүләтләре белән дәвамлы хезмәттәшлеккә йөз тоткан "Россия – Ислам дөньясы" стратегик күзаллау төркеме эшләп килә. Аны Татарстан Республикасы Президенты Рөстәм Миңнеханов җитәкли. 2009 елдан башлап, Татарстан башкаласында "KazanSummit" халыкара икътисади саммиты үтә.

“Бүген Татарстан һәм Тунис арасында уңай мөнәсәбәтләр урнашты. Сезнең Россиядәге илчегезнең Казанда берничә тапкыр булганы бар. Ләкин элемтәләрне активлаштырып җибәрер өчен бизнес-хезмәттәшлекнең төгәлрәк формаларына күчәргә теләр идек. Хәзерге вакытта Якын Көнчыгышта вазгыять иң уңайлардан түгел, тик шулай да чыгу юлы табылыр”, – диде Татарстан Республикасы Президенты.

Шулай ук Тунис Алжир һәм Марокко базарына чыгарга мөмкинлек бирә алуы белән дә кызыклы, ди ул.

Хезмәттәшлек өчен иң өметле өлкәләр дип Рөстәм Миңнеханов фармацевтика сәнәгатен, Тунис территориясендә “КАМАЗ” автомобильләрен сатуны, туризм, гуманитар өлкәләрдә элемтәләр үсешен билгеләде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10