ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Рәсми Татарстан

Наина Ельцина Татарстанның беренче Президентына котлау телеграммасы юллаган

19 гыйнвар 2017, 20:55

"Безнең илдә чын федератив мөнәсәбәтләр төзүгә сезнең өлешегез Россиянең яңа тарихы дәреслекләрендә лаеклы чагылыш табачагына ышанам”, диелә анда.

(Казан, 19 гыйнвар, “Татар-информ”). Татарстанның Дәүләт Киңәшчесе Минтимер Шәймиевне 80 яшьлек юбилее белән котлап, Наина Ельцина телеграмма юллаган, дип хәбәр ителә республика Хөкүмәтенең рәсми порталында.

"Без Сезнең белән инде 25 ел таныш, ул еллар минем өчен, бөтен гражданнарга кебек, гади генә булмады. Сез Татарстанның беренче президенты буларак Россиянең беренче президенты белән Мәскәү һәм төбәкләр арасында яңа мөнәсәбәтләргә нигез салдыгыз. Бу мөнәсәбәтләр тигез хокуклы, үзара хөрмәткә һәм файдага корылган булырга тиеш иде. Сезнең тырышлык белән алар шундый булды да. Безнең илдә чын федератив мөнәсәбәтләр төзүгә Сезнең өлешегез Россиянең яңа тарихы дәреслекләрендә лаеклы чагылыш табачагына ышанам”, - диелә телеграммада. Россиянең беренче Президенты Борис Ельцинның хәләл җефете Наина Ельцина Татарстанның беренче Президентына сәламәтлек, гаиләсенә иминлек, куанычлы көннәр теләгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10