ҺАВА ТОРЫШЫ +30 oC

Яңалыклар

барлык хәбәрләр Татарстан Россия
МӨҺим
Чираттагы әдәби марафон проекты башланып китте
“Татар-информ”да VI мөселман яшьләре форумы турында сөйләшәчәкләр
Казанда «Зөләйха күзләрен ача» романы буенча фильмны көзен төшерә башлыйлар
Россиядә ярты айда илле мең чамасы электрон ветеринария сертификаты тутырылган
Синоптиклар Татарстанда яшенле яңгыр турында кисәтә

Татар дөньясы

Оренбург өлкәсенең "Ак хисләр" татар мәдәнияте фестиваль-бәйгесе яңа форматта үтәчәк

19 гыйнвар 2017, 15:56

Оренбург өлкәсенең Әсәкәй районында уздырылучы фестивальдә хәзер яшьләр дә, урта буын вәкилләре һәм олы яшьтәге әби-бабайлар да катнашачак.

(Казан, 19 гыйнвар, “Татар-информ”). Оренбург өлкәсенең Әсәкәй районында соңгы дистә елда һәр ел саен үткәрелеп килүче “Ак хисләр” төбәкара татар мәдәнияте фестиваль-бәйгесе быел яңа форматта оештырылачак, дип хәбәр итәләр Оренбургның Татар-милли мәдәни мохтариятеннән.

Татар халык иҗатын торгызу, яшьләрне милли мәдәни кыйммәтләр белән таныштыру максатыннан уздырылучы фестивальдә элек яшьләр генә катнаша иде. Быел исә фестиваль-бәйгедә яшьләр дә, урта буынның талантлы вәкилләре дә, шулай ук өлкән яшьтәгеләр дә үз көчен сынап карар дип көтелә.

Бәйге “Татар кызы” һәм “Татар егете”, “Киленбикә” һәм “Зирәк ир”, “Хуҗабикә” һәм “Аксакал” кебек өч номинациядә оештырыла. Беренчесендә 15-35 яшькәчә кызлар һәм егетләр, икенчесендә 35-55 яшькәчә хатын-кызлар һәм ир-атлар, ә өченчесендә 55 яшьтән башлап апалар һәм абыйлар катнашачак.

Аларның барысына да татар халык җырларын, биюләрен башкаруда, халык авыз иҗаты әсәрләрен, шигырьләр уку, сәнгатьле сөйләмдә, музыкаль уен коралларында уйнауда осталыкларын күрсәтергә туры киләчәк. Декоратив-гамәли сәнгать күргәзмәсендә һәркем үзе ясаган кул эшләрен тәкъдим итәргә тиеш.

Фестивальнең Гала-концерты 18 февральдә Әсәкәй авылында район Мәдәният йортында үтәчәк.

"Ак хисләр" бәйгесе Бөтендөнья татар конгрессы, Әсәкәй районы Татар милли-мәдәни мохтарияте, Әсәкәй районы хакимиятенең Мәдәният бүлеге, Әсәкәй район Мәдәният йорты тарафыннан оештырыла.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10