ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Быел Татарстанда 34 процент кеше грипптан вакцинация юлы белән саклана

17 гыйнвар 2017, 22:34

Прививканы 40 процент кешегә ясау планлаштырылган булган.

(Казан, 17 гыйнвар, “Татар-информ”, Гөлнар Гарифуллина). Быел Татарстан халкының 34 проценты грипптан прививка ясаткан. Бу хакта Россия Кулланучылар хокукларын яклау һәм кеше иминлеге өлкәсендә күзәтчелек хезмәтенең Татарстан буенча идарәсе җитәкчесе урынбасары Любовь Авдонина хәбәр итте.

“Кызганыч, эпидемия процессы таралуны тоткарлау өчен, планлаштырылган 40 процент күрсәткечкә җитә алмадык. Әмма бу да начар күрсәткеч түгел, шуңа күрә быел эпидемия артык зур булмас дип уйлыйбыз”, - диде ул.

Любовь Авдонина хәзерге вакытта вакцинация инде үткәрелмәвен, чөнки аның файдага түгел, ә зыянга булачагын билгеләп узды. Шул нисбәттән, башка чараларны тулысынча эшкә җигеп, ныклап сакланырга кирәклеген әйтте. Белгеч сүзләренә караганда, ОРВИ һәм грипп белән авыру әле тагын 6-8 атна вакыт дәвам итәргә мөмкин.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10