ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Татар дөньясы

Приморье краенда Сабан туе Артем шәһәрендә узачак

16 гыйнвар 2017, 09:46

Приморье краенда Сабан туе 25 нче мәртәбә оештырылачак.

(Казан, 16 гыйнвар, “Татар-информ”). Приморье краенда Сабан туена әзерлек башланган. Бәйрәмне быел җәй көне Владивостоктан төньяк-көнчыгышка таба урнашкан Артем шәһәрендә уздырачаклар. Бу хакта Приморье краеның “Туган ил” татар һәм башкорт иҗтимагый оешмасы рәисе Рамил Килмөхәммәтов төбәк хакимиятенең “Приморская газета” рәсми басмасына хәбәр иткән.

Июнь азагы – июль башына планлаштырылган Сабан туена Владивосток, Находка, Уссурийскидан кунаклар чакырырга ниятлиләр. Быелгы Сабан туе бу төбәктә 25 нче мәртәбә узачак. Приморье краенда Сабан туен 1992 елдан оештыралар, баштарак ул Надеждино районында үткәрелгән, узган ел Артемда оештырылган.

Шулай ук быел 22 июльдә Россиянең Ерак Көнчыгыш төбәкләре Сабан туе да үткәрелер дип көтелә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10