ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Мәдәният

Буа театры халыкара фестиваль үткәрүе турында игълан итте

13 гыйнвар 2017, 17:58

Буа театры халыкара фестиваль үткәрүе турында игълан итте 12 – 22 март көннәрендә Буада “Идел-Урал” халыкара фестивале үтәчәк.

(Казан, 13 гыйнвар, «Татар-информ», Рузилә Мөхәммәтова). 12-22 март көннәрендә Буада “Идел-Урал” халыкара фестивале үтәчәк. Бу хакта бүген Буа татар дәүләт драма театры гастрольләре башланыр алдыннан Камал театрында уздырылган матбугат конференциясендә театр белгече Нияз Игъламов хәбәр итте. Программа инде төзелгән. Фестивальгә Монголия, Казахстан театрлары киләчәк. Фин-угыр театрлары үзләренең иң кызыклы эшләрен китерә.

Мәгълүмат өчен. 2016 елда Буа театры март ае дәвамында унтугыз театр коллективын чакырып, театр айлыгы уздырган иде. Буада “Ният” региональ балалар театры фестивале дә уздырыла. Театраль җыеннар уздыру буенча тәҗрибә туплаган Буа татар дәүләт драма театр, ниһаять, халыкара фестиваль уздырачагын игълан итте. Бу эштә театрга фестивальләр оештыру буенча шулай ук шактый тәҗрибәле театр белгече, Камал театрының әдәби бүлек мөдире Нияз Игъламов ярдәм итә.

Буа дәүләт драма театры җитәкчесе Раил Садриев шәһәрнең халыкара фестивальләр уздыру өчен логистика ягыннан бик уңайлы урынга урнашканлыгына басым ясады. Бу шәһәре федераль трасса янында утыра, ерак түгел - Ульяновски аэропорты белән Тәтеш пристане.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10