ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Спорт

Чаллыда "Алтын алка" клубы призына хоккей буенча ярышлар старт ала

2 гыйнвар 2017, 23:02

Яшүсмерләр-яшьләр клублары арасында уеннар 4, 5 һәм 6 гыйнварда узачак, 7 гыйнварда финал булачак.

(Казан, 2 гыйнвар, "Татар-информ"). 4 гыйнварда Татарстанның Чаллы шәһәрендә Анатолий Тарасов исемендәге “Алтын алка” клубы призына яшүсмерләр-яшьләр клублары арасында хоккей буенча турнирның шәһәр этабы старт ала. Республиканың Яшьләр эшләре һәм спорт министрлыгыннан хәбәр итүләренчә, ел саен үткәрелүче әлеге ярышта дүрт яшь категориясендә – 2006-2007 елгылар, 2004-2005 елгылар, 2002-2003 елгылар һәм 2000-2001 елгы яшь уенчылардан торган ун команда, йөздән артык хоккейчы катнашачак. Уеннар 4, 5 һәм 6 гыйнварда узачак, 7 гыйнварда финал булачак.

Яңа ел ялларыннан соң башка яшь категориясендәге командалар ярышачак. Уеннарны "Яшүсмер” Яшүсмерләр-яшьләр үзәге ярдәме белән Чаллы шәһәре Башкарма комитетының Мәгариф һәм яшьләр эшләре буенча идарәсе оештыра.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10