ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Татар дөньясы

Көньяк Сахалинда Тукай скверы һәм шагыйрьнең бюсты ачылачак

2 гыйнвар 2017, 13:14

Хәзерге вакытта шагыйрь бюстының эскизы буенча фикер алышу бара.

(Казан, 2 гыйнвар, "Татар-информ"). 2017 елда Россиянең Сахалин өлкәсендәге Көньяк Сахалин шәһәрендә татар шагыйре Габдулла Тукайга багышланган сквер ачылачак. Хәзерге вакытта анда куелачак шагыйрь бюстының эскизы буенча фикер алышу бара. Бюстны танылган сынчы Владимир Чеботарев ясаячак, дип хәбәр итә Сахалин өлкәсенең төбәк Татар милли-мәдәни мохтарияте sakhtatary.ru рәсми сайтында.

“Бөек татар шагыйренә сквер һәм бюст ачу Сахалин утравында һәм татар халкы тормышында зур вакыйга булачак. Без бу вакыйгага Татарстаннан Язучылар берлеге әгъзаларын, мәдәният һәм сәнгать әһелләрен чакырырга ниятлибез. Тукай һәйкәлләре Казан, Мәскәүдә генә түгел, чит илләрдә дә ачыла тора. Моннан соң Тукай истәлеген Көньяк Сахалинга нигез салынганнан бирле татарлар яшәгән бу төбәктә да мәңгеләштереләчәк”, - дип белдерә Сахалин татарлары.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10