ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Чаллы шәһәре бала таптыру буенча республикада рекорд куйды

28 декабрь 2016, 01:00

Автокалага бала табарга Татарстанның ерак районнарыннан да киләләр.

 (Чаллы, 28 декабрь, “Татар-информ”, “Шәһри Чаллы”). Татарстанның Кама балалар медицина үзәгендә 7 меңенче сабый туган. Ул ир бала, авырлыгы 3430 грамм һәм буе 53 сантиметр булган. Әти-әниләре әле аңа исем уйламаган һәм үзләре хакында да мәгълүмат бирергә теләми. Күз тияргә мөмкин, диләр алар. Бу хакта шәһәрнең “Шәһри Чаллы” газетасы “Татар-информ” агентлыгына хәбәр итте.

Автокалага бала табарга Татарстанның ерак районнарыннан да киләләр, чөнки биредә шартлар яхшы, табиблар тәҗрибәле. Быел гына да биредә 1500ләп хатын-кыз бала тапкан. Чаллы бала таптыру буенча узган ел рекордын кабатлады дисәк тә була: монда 2015 елда 7017 нарасый дөньяга килгән иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10