ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Спорт

"Ак Барс" хоккейчылары өйдә СКА командасын җиңде

27 декабрь 2016, 23:28

Казан командасы Санкт-Петербург хоккейчыларын кабул итеп, буллитлар сериясендә 4:3 исәбе белән өстен чыкты.

(Казан, 27 декабрь, "Татар-информ", Сергей Гаврилов). Казанлыларга КХЛ чемпионатында тәнәфесне исәпкә алып, Евротурның Мәскәү этабында төгәл ике атна уйнамады. Ә монда турнирның лидеры, иң зур бюджетлы СКА командасы белән очрашу көтте. Бүгенге уен "Ак Барс"ның ике уенчысы өчен үзенчәлекле вакыйга иде - форвард Денис Хлыстов карьерасында ул 900 нче, ә һөҗүмче Дмитрий Обухов өчен 750 нче булды.

Овертаймга кадәр исәп 3:3 булып, бер команда да башка алка кертә алмады. Буллитлар сериясендә уңыш казанлыларга елмайды. Шулай итеп, "Ак Барс" сезонда икенче тапкыр буллитлар буенча СКА командасын җиңде.

29 декабрьдә казанлылар өйдә Череповецның "Северстал"е белән уйнаячак. 45 матчтан соң "Ак Барс" активында 87 очко, "Көнчыгыш" конференциясендә өченче урын.

"Ак Барс" (Казан) – СКА (Санкт-Петербург) – 4:3 Б (2:2, 0:1, 1:0, 0:0, 1:0).

Алка керттеләр: Малыхин (13), Глухов (15), Секач (54) – Дадонов (16), Шипачев (18, 23).

Штраф: 12-10. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10