ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Хәвеф-хәтәр

Әлмәт районында кар машинасын йөртүче һәлак булган

27 декабрь 2016, 23:13

Тепловоз кар машинасын бәрдергән.

 (Әлмәт, 27 декабрь, "Татар-информ", "Әлмәт таңнары"). Бүген 10 сәгать 39 минутта бердәм 112 номерына Татарстанның Әлмәт районында һәлакәт булуы турында ашыгыч хәбәр килеп ирешә. Әлеге районның Яңа Суркин авылы янында тимер юл перегонында тепловоз кар машинасын бәрдергән була. Медиклар урынга көчкә барып җитәләр, чөнки тимер юл буенда автомобиль юлы юк. Алар үзләре утырып барган маневрлы тепловоз белән зыян күрүчене клиник үлем хәлендә алып кайталар һәм Әлмәт шәһәре медсанчастена озаталар. 56 яшьлек ир юлда барганда җан бирә һәм аны Лениногорск моргына илтергә туры килә. Ир кешенең муен сөяге һәм аяклары сынган була, дип хәбәр итте "Әлмәт таңнары" газетасы.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10