ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Фән һәм мәгариф

Зәй мәктәбенең уку алдынгылары бәйрәмен Чаллы артистлары чыгышлары бизәгән

27 декабрь 2016, 07:00

Бүген мәктәптә өлкән сыйныфлар бәйрәм итәчәк.

 (Зәй, 27 декабрь, “Татар-информ”, “Зәй офыклары”). Татарстанның Зәй шәһәре 7 нче мәктәбендә уку алдынгылары, төрле фән бәйгеләре, спорт, иҗат конкурсларында җиңү яулаган 1-7 нче сыйныф укучылары өчен Чыршы бәйрәме үткәрелде, дип хәбәр итә “Зәй офыклары” газетасы.

Бәйрәмдә иң-иңнәргә район башкарма комитеты җитәкчесе Илнар Хафизов Мактау грамоталары тапшырды. Күркәм бәйрәм чарасын район балалар иҗат коллективлары белән бергә Чаллының Артемий Смолянов җитәкчелегендәге “Clide” шоу-проекты артистлары бизәде.

Бүген исә биредә Чыршы бәйрәме өлкән сыйныфлардагы уку алдынгылары өчен уздырылачак, диелә Зәй районы басмасында.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10