ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Дин

Татарстан мөфтие үзенең дәресләренә йөрүчеләргә Коръәннең яңа басмасын бүләк итте

23 декабрь 2016, 18:34

Казанның Галиев мәчетендә һәр җомга саен Татарстан мөфтие Камил Сәмигуллин дини дәресләр үткәрә.

(Казан, 23 декабрь, "Татар-информ") Бүген Казанның Галиев мәчетендә кич белән Татарстан мөфтие Камил хәзрәт Сәмигуллинның чираттагы “Пәйгамбәребез намазы” дәресе үткәрелде. Бу дәрестә мөфти намазда кул күтәрү тәртипләрен аңлатты. Моннан тыш дин сабагына килүчеләргә зур бүләк әзерләнгән иде, дип хәбәр итә Татарстан Диния нәзарәте матбугат хезмәте.

Мәгълүм булганча, быел Татарстан мөселманнары Диния нәзарәте тарафыннан Коръәннең яңа басмасы 10 мең тираж белән нәшер ителде. Ике ел дәвамында әлеге эшне нәзарәтнең Коръәнне өйрәнү бүлеге, Коръән-хафизлар башкарып чыкты. Яңа басма шушы көннәрдә генә кабаттан 5 мең данә тираж белән дөнья күрде. Бүген мөфти әлеге басма нөсхәләрен үзенең дәресләренә  йөрүче мөселманнарга бүләк итте.

Галиев мәчетендә мөфти дәресләре һәр җомга саен ястү намазыннан соң уздырыла. Киләсе дәрес 13 гыйнварда булачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10