ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Мәдәният

Татарстанда “Олы нефть боҗрасы” туристик маршруты булдырылачак

22 декабрь 2016, 08:39

Туристик маршрут Әлмәт, Лениногорск кебек районнардагы нефть чыгару тарихына кагылышлы урыннар белән таныштырачак.

(Казан, 22 декабрь, "Татар-информ", Әнвәр Маликов). Татарстанның көньяк-көнчыгыш районнарында “Олы нефть боҗрасы” дип исемләнгән туристик маршрут оештыру планы бар. Бу хакта “Татнефть” компаниясенең “Лениногорскнефть” нефть-газ табу идарәсе башлыгы Рәис Галиуллин Лениногорск районының Шөгер авылында урнашкан Нефть музеенда журналистлар белән очрашуда белдергән.

Булачак туристик маршрутка Әлмәтнең Нефть музее, Лениногорск районындагы Зеленая Роща бистәсендә күренекле нефтьче Рәфкать Мингәрәев музее, Тимәш авылындагы Ромашкино чыганагының танылган 3 нче нефть суырту скважинасы керәчәк.

Шөгердәге музей исә әле узган ел гына, XIX гасырдан эшли башлаган һәм 2013 елда ябылган элеккеге Шөгер нефть-битум заводы урынында ачылган иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10