ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Җәмгыять

Казан автоинспекторлары каникуллар чорында рейдларга чыгачак

22 декабрь 2016, 07:40

Рейдлар балаларның юл-транспорт һәлакәтендә зыян күрү очракларын кисәтү максатында оештырыла.

(Казан, 22 декабрь, "Татар-информ") Кышкы каникуллар чорында ЮХИДИ хезмәткәрләре балаларның юлларда һәм транспортта иминлеген тәэмин итүгә аеруча зур игътибар бирәчәк, дип хәбәр итәләр Россия Эчке эшләр министрлыгының Казан буенча идарәсе ЮХИДИ бүлегендә.

Автоинспекторлар каникуллар башланганчы ук, 12-23 декабрьдә белем бирү учреждениеләрендә юл хәрәкәте иминлеге буенча лекцияләр, дәресләр үткәрә.

29 декабрьдә автоинспекторлар “Зебра” рейдына чыгачак. Машина йөртүчеләрнең җәяүлеләрне юл аркылы чыгару кагыйдәләрен үтәвен тикшерәчәк. 6 гыйнварда “Яшь пассажирларның гомерен саклыйк” дигән махсуслаштырылган рейд планлаштырыла. Автомобиль салонында балаларны йөртү кагыйдәләре үтәлүе тикшереләчәк.

Агымдагы ел башыннан Казанда кешеләргә зыян килгән 230 авария булган, аларда 250 бала җәрәхәтләнгән. Еш кына юл хәрәкәте кагыйдәләрен инкарь итү һәлакәткә китерә, дип искәртә автоинспекторлар. Юлда йөрүчеләргә, бигрәк тә һава торышы начар булган көннәр киемнәргә ут яктырткыч элементлар тагарга киңәш итәләр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10