ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Мәдәният

Татар әдипләре Уфаның Милли китапханәсенә китаплар бүләк итте

22 декабрь 2016, 07:27

Башкорт дәүләт университетында Разил Вәлиевнең 70 яшьлек юбилее уңаеннан, заманча татар филологиясенә багышланган конференция узды.

(Казан, 22 декабрь, "Татар-информ") Бу көннәрдә Татарстанның халык шагыйре Разил Вәлиевнең 70 яшьлегенә багышлап, Башкорт дәүләт университетында “Заманча татар филологиясенең актуаль мәсьәләләре” III Бөтенроссия фәнни-гамәли конференциясе узды. Анда катнашкан татар әдипләре Уфаның Әхмәт-Зәки Вәлиди исемендәге Милли китапханәсенә татар язучылары һәм шагыйрьләренең китапларын бүләк итте, дип хәбәр итә китапханәнең матбугат хезмәте.

Татарстанның күренекле әдипләре, Г.Тукай исемендәге Дәүләт бүләге лауреатлары Разил Вәлиев һәм Илфак Ибраһимов, “Җыен” татар телен һәм мәдәниятен саклау фонды башкарма директоры Фуат Рафиков китапханә директоры Айгөл Моратова белән очрашкан, китапханә эшчәнлеге белән танышкан. Милли китапханә фондларына алар үз китапларын, шулай ук Габдулла Тукай, Туфан Миңнуллин, Аяз Гыйләҗев һәм башка татар әдипләренең китапларын тапшырган. Разил Вәлиев үзенең шигырьләренә иҗат ителгән җырлар тупланган дискларын да бүләк иткән.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10