ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Пенсионерларга өстәмә 5 мең сум акчаны 28 гыйнвардан да соңармыйча бирәчәкләр

21 декабрь 2016, 09:25

Россия пенсионерларына өстәмә түләнәчәк 5 мең сум акча 2017 елның 13-28 гыйнвар көннәрендә тапшырылачак.

(Казан, 21 декабрь, “Татар-информ”) Россиядә пенсионерларга 2017 елның гыйнварында вәгъдә ителгән 5 мең сум күләмендә бер тапкыр өстәмә түләү 28 гыйнвардан да соңга калмыйча тапшырылачак, дип хәбәр итә Interfax.ru агентлыгы Россия Пенсия фондына сылтама белән.

Өстәмә түләнүче 5 мең сум акчаны пенсионерларга 2017 елның 13-28 гыйнвар көннәрендә тапшырачаклар. Әгәр дә пенсионер үзенең пенсиясен, гадәттә, айның беренче яртысында, әйтик, айның 3-12 көннәрендә ала торган булса, өстәмә түләнүче 5 мең сумны аңа 13 гыйнвардан соң, ләкин 28 гыйнвардан да соңармый алып киләчәкләр. Димәк, мондый очракта пенсионерлар гыйнварда ике тапкыр пенсия алачак – башта үз пенсиясен, аннан соң бер тапкыр түләнүче 5 мең сум акчаны, дип ачыклык керткәннәр Пенсия фондында.

Мәгълүм булганча, әлеге 5 мең сум акча 2016 елның икенче яртысына планлаштырылган пенсияләрне индексацияләү урынына түләнә.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10