ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Татар дөньясы

Бакуда автор-башкаручылар клубы Габдулла Тукайга багышланган кичә үткәрде

20 декабрь 2016, 16:45

Узып баручы 2016 елда Габдулла Тукайның тууына 130 ел тулды.

 (Казан, 20 декабрь, “Татар-информ”). Татарстанның Әзербайҗандагы Даими вәкиллегендә бөек татар шагыйре Габдулла Тукайга багышланган музыкаль-әдәби кичә үтте, дип хәбәр итә вәкиллекнең матбугат хезмәте. Кичәне Бакуның автор-башкаручылар клубы оештырган. Концерт программасында Румия Атҗегетова башкаруында татар композиторларының җырлары, шулай ук Бакуның автор-башкаручылар клубы әгъзалары Ибраһим Имамалиев, Георгий Черногоров, Аладдин Ягубов, Вера Вәлиханова һәм Андрей Крупин башкаруында автор җырлары, балладалар яңгыраган.

Кичәдә шагыйрь Аладдин Ягубов Казанга һәм Габдулла Тукайга багышлап язган шигырьләрен укыган. Әзербайҗан Язучылар берлегенең “Әдәби Әзербайҗан” журналы поэзия бүлеге мөхәррире Алина Талыбова да үзе иҗат иткән “Казан поэмасы” белән кичәнең кунакларын таныштырган.

 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10