ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять, Мәдәният

Казанда курчак театрының балалар өчен куркынычсызлыгы тикшерелде

20 декабрь 2016, 16:16

Бүген белгечләр “Әкият” Татар дәүләт курчак театрында лаборатор тикшеренүләр үткәрде.

(Казан, 20 декабрь, “Татар-информ”, Рузилә Мөхәммәтова). Бүген Казанның “Әкият” Татар дәүләт курчак театры залларын фойеда тамаша барган вакытта Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе хезмәткәрләре тикшереп чыкты. Белгечләр балалар чыршы тирәли әйлән-бәйлән уйный торган күпфункцияле фойены һәм спектакль куела торган залдан төрле лаборатор үлчәүләр алдылар.

Шул тәртиптә белгечләр ике йөзләп бала җыела торган залның санитар-техник һәм гигиена ягыннан балалар өчен никадәр куркынычсыз булуын тикшерде. Идарәнең балалар һәм үсмерләр гигиенасы буенча күзәтү бүлеге баш белгече–эксперты Эльвира Саттарова курчак театры балалар җыела торган урын булганга күрә, тикшерүләр уздырылуын, аларның махсус боерык белән башкарылуын билгеләп узды, ниндидер җитешсезлекләр ачыкланса, беркетмә төзелеп, әлеге җитешсезлекләрнең бетерелүе күзәтеләчәген, әгәр инде барысы да тәртиптә дип табылса, тикшерелү буенча акт төзеләчәген хәбәр итте. “Без сезгә уңышлар телибез, эшегезне шулай дәвам итегез!” – дип әйтәчәкбез диде ул.

Әлеге тикшерүләр буфетка карамый. Алар нигездә һава чисталыгы һәм яктылык белән бәйле.

Лаборатор тикшеренүләрнең нәтиҗәсе бер атнадан билгеле булачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10