ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Мәдәният

Азалия Зиннәт "Татар җыры"нда ике "Алтын барс" алды

17 декабрь 2016, 20:06

Моңа кадәр берьюлы ике бүләккә Салават һәм Хәмдүнә Тимергалиева гына лаек булган иде.

(Казан, 17 декабрь, "Татар-информ", Лилия Локманова). Бу минутларда Казанның "Пирамида" күңел ачу комплексында бара торган "Татар җыры" XVII Халыкара фестивале җиңүчеләрен бүләкләү дәвам итә.

Унҗиде номинациядә иҗади көч сынашкан җырчыларның дистәгә якынына "Алтын барс" сыны тапшырылды. Мисал өчен, "TMTV" каналының махсус бүләге" номинациясендә "Алтын барс" Мөнир Рахмаевка бирелде. "Иң яхшы клип авторы" номинациясендә җиңүче дип Азалия Зиннәт табылды. Аларны "TMTV" телеканалы тапшырулары баш мөхәррире Лилия Кадыйрова котлады. Сүз уңаеннан, Азалия "Иң зәвыклы җырчы" номинациясендә дә җиңеп чыкты. Бер елны ике "Алтын барс" алучылар исемлегендә Салават һәм Хәмдүнә Тимергалиева гына бар иде, дип билгеләп үтте башкаручылар.

Илдар Хәкимов исә "Татар радиосы" махсус бүләге" номинациясендә җиңде. Хатын-кызлар арасында бу номинациядә "Алтын барс" Хәния Фәрхи-Биктаһировага бирелде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10