ҺАВА ТОРЫШЫ +25 oC

Яңалыклар

барлык хәбәрләр Татарстан Россия
МӨҺим
Казанда футбол мундиале кысаларында, Казан Кремлендә дини музыка концерты була
“Балкыш” фестивале лауреатлары Филармония бакчасында хәйрия концерты уздыра
Татарстан баш приставы урынбасары итеп Әнвәр Закиров билгеләнде
Татар дәүләт филармониясе хәйрия концертларында бер миллион сумнан артык акча җыярга уйлый
Казанда дөнья чемпионатында 200гә якын халык фольклор коллективы чыгыш ясаячак

Икътисад, Җәмгыять

Мәшгульлек хезмәтендә эшләүчеләрнең хезмәт хакы эшкә урнашкан кешеләр санына бәйле булачак

15 декабрь 2016, 17:39

Татарстанда 2017 елда мәшгульлек хезмәтенең хезмәт нәтиҗәлелеге коэффициенты күрсәткече гамәлгә кертелә.

  (Казан, 15 декабрь, «Татар-информ», Ирина Ермакова). 2017 елда республиканың эш белән тәэмин итү хезмәтендә эшләүчеләр өчен аларның хезмәт нәтиҗәлелеге күрсәткечләре гамәлгә кертелә. Яңа елдан башлап, аларның хезмәт хакы алар тарафыннан эшкә урнаштырылган татарстанлылар санына турыдан-туры бәйле була. Бу хакта Татарстан хезмәт, эш белән тәэмин итү һәм социаль яклау министры Эльмира Зарипова сөйләде.

“Бездә эш белән тәэмин итү хезмәте өчен хезмәт нәтиҗәлелеге коэффициенты күрсәткече гамәлгә кертелә. Әлеге хезмәтнең белешмәләр базасындагы вакансияләр саны эш белән тәэмин итү хезмәте хезмәткәрләре санына туры килергә тиеш. Без бүген эш бирүче белән эшләүдә, аларның вакансияләрен үзебезгә тартып чыгару өчен, кызыксынулы булырга тиеш”, - дип аңлатты министр. Икенчедән, 1 белгечкә исәпләгәндә, эшкә урнаштырылган гражданнар саны кимендә 75кә җитәргә тиеш. Һәрбер хезмәткәр эшкә урнаштыру өчен җаваплы, хезмәт хакы шуңа, ягъни эшенең нәтиҗәсенә бәйле була. Аның сүзләренчә, инвалидларны эшкә урнаштыру саны буенча әлеге күрсәткечне күтәрергә һәм республика буенча 6 мең кешегә җиткерергә кирәк. Аннан соңгы индикатор – югары уку йортларын һәм һөнәр лицейларын тәмамлаучыларны эшкә урнаштыру. Аерым алганда, эш белән тәэмин итү хезмәтенең һәр белгеченә 2 меңләп кеше туры килә, диде Эльмира Зарипова.

Хезмәт министрлыгы һәм аның карамагындагы оешмалар 2017 елдан республиканың белгечләргә булган ихтыяҗын фаразлауны формалаштыру эшенә керешәчәк, дип билгеләп үтте ул. “Һәр муниципалитетның 2030 елга кадәр үсеш стратегиясе бар, аларда шушы вакыт эчендә тәгаен җитештерү мәйданнары булдыру каралган. Яңа производстволар төгәл эш урыннарын һәм аерым белгечләр таләп итә. Әйтик, муниципалитет кирпеч яки шикәр заводы ачарга җыена икән, аларда эшләргә нинди хезмәткәрләр кирәк булачагы аңлашыла. Һәм менә эш белән тәэмин итү хезмәтләре, шушы белешмәләрне исәпкә алып, ихтыяҗларны фаразлауны формалаштыруда катнашачак. Бу заман таләбенә туры килә”, - дип сөйләде министр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10