ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Дин

Казанның Тынычлык мәчетендә мәүлид кичәсе үткән

10 декабрь 2016, 13:44

Чарада Татарстан мөфтие Камил хәзрәт Сәмигуллин да катнашкан.

(Казан, 10 декабрь, "Татар-информ"). Кичә Казанның Мирный бистәсендәге Тынычлык мәчетендә җомга намазыннан соң Мәүлид кичәсе узды. Чарада Татарстан мөфтие Камил хәзрәт Сәмигуллин, Изге Коръән нөсхәләрен тикшерү комитеты җитәкчесе Хафиз Госман Шаһин, нәшрият җитәкчесе Юксәл Сәлман, мөнәҗәтче Ильяс Халиков, “Нәшидул-Ислам” төркеме солистлары, мәхәллә халкы катнашты. Бу хакта Татарстан мөфтияте матбугат хезмәте хәбәр итә.

Кичә барышында мөфти хәзрәтләре пәйгамбәребез Мөхәммәдкә багышланган вәгазь сөйләде һәм аның күркәм холкы турында төрле мисаллар китереп аңлатты. Мәҗлескә чакырылган мөнәҗәтче Ильяс Халиков "Мәүлид ән-Нәби" касыйдәсен башкарса, “Нәшидул-Ислам” төркеме үзенең популяр нәшидләрен халыкка җиткерде. Чара бәйрәм табыны артында дәвам итте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10