ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Рәсми Татарстан

Төркия Премьер-министры Бинали Йылдырым Казанга килде

7 декабрь 2016, 13:26

"Казан" Халыкара аэропортында Төркия Хөкүмәте башлыгын Татарстан Президенты Рөстәм Миңнеханов каршы алды.

(Казан, 7 декабрь, “Татар-информ”). Төркия Республикасы Премьер-министры Бинали Йылдырым Татарстан Республикасына эш сәфәре кыла. “Казан” Халыкара аэропортында бүген Төркия Хөкүмәте башлыгын Татарстан Президенты Рөстәм Миңнеханов каршы алды. Бу хакта Президентның матбугат хезмәте хәбәр итә.

Төркия Премьер-министрының Татарстанга эш сәфәре Төркия делегациясенең Россия Федерациясенә рәсми визиты программасына кергән.

Казанга килүгә Төркия кунаклары Казан Ратушасына юл тотты. Монда Татарстан һәм Төркия эшлекле даирәләре катнашында эшлекле форум узачак. Шулай ук Төркия делегациясе программасында "Истанбул" паркында Cадри Максудига һәйкәл ачу, Татарстан Президенты белән очрашу һәм башка эшлекле чаралар каралган.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10