ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Авыл

Азнакай терлекчеләре сөт җитештерү күрсәткечләрен яхшырткан

4 декабрь 2016, 07:00

Районда бер тәүлеккә 94,2 тонна сөт савалар.

(Казан, 4 декабрь, "Татар-информ"). Азнакай авыл хуҗалыгы һәм азык-төлек идарәсеннән алынган оператив мәгълүматлар буенча, район терлекчеләре көнгә 94,2 тонна сөт сава, дип хәбәр итә "Маяк" газетасы.

Бу узган елның шул чоры белән чагыштырганда 7 процентка күбрәк. Бер сыерга 12,1 кг сөт туры килә. Районыбызның сөт җитештерү күрсәткечләрен яхшыртуда “Союз-Агро”, “Марс”, “Габдрахманов Л.Г.”, “Таллы Бүләк”, “Чатыр тау”, “Тукай ис.”, “Азнакай” АФ” хуҗалыклары үзләреннән зур өлеш керткәндә, “Чалтаймас”, “Победа”, “Кәлимуллин И. А”, “ Шәвәлиев З.Г.”, “ Герой Кәримов Ф.Ш. и с.” (“Чалпы”) хуҗалыкларында сөт савып алуны нык киметкәннәр.

Район җитәкчеләре һәм авыл хуҗалыгы идарәсе белгечләре агропредприятиеләр җитәкчеләре белән берлектә даими рәвештә кышлату чорында терлекчелек продукциясе җитештерүне арттыру һәм башка мәсьәләләргә багышланган семинарлар уздыралар, үзара тәҗрибә уртаклашып, кимчелекләрне бетерү өстендә эшлиләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10