ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Хәвеф-хәтәр

Казанның 32 нче мәктәбендә чыккан янгында ике кеше җәрәхәтләнгән

30 ноябрь 2016, 15:59

Алар 25 яшьлек укытучы һәм хуҗалык эшләрен башкарган 70 яшьлек ир-ат.

(Казан, 30 ноябрь, “Татар-информ”) Бүген Казанның 32 нче урта мәктәбендә чыккан янгында ике кеше җәрәхәтләнгән. Бу хакта Татарстан Сәламәтлек саклау министрлыгының матбугат хезмәте хәбәр итә.

Аларның берсе – 25 яшьлек укытучы. Ул янгын вакытында кулы белән тәрәзә пыяласын ваткан. Ир-ат Казанның 12 нче хастаханәсенә озатылган. Анда аңа медицина ярдәме күрсәтеп, өенә кайтарып җибәргәннәр. Шулай ук бу мәктәптә хуҗалык эшләре белән шөгыльләнүче 70 яшьлек ир-ат та янгын сүндерергә теләп, аягының тубык тирәсен җәрәхәтләгән.

Мәгълүм булганча, янгын сүндерү вакытында укучы балалар күршедәге 15 нче мәктәпкә һәм Тарпищев исемендәге теннис академиясе бинасына күчерелгән иде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10