ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Мәдәният

Әлмәттә "Владимир Спиваков фонды академиясе" иҗади дәресләр бирәчәк

18 ноябрь 2016, 00:00

Шундый ук дәресләр алга таба күрше Азнакай, Нурлат һәм Лениногорск районнарында да үткәреләчәк.

(Әлмәт, 18 ноябрь, "Татар-информ", "Знамя труда") "Владимир Спиваков фонды академиясе. Балалар – балаларга. Татарстан" мәдәни-белем бирү проекты кысаларында Әлмәттә 18 ноябрьдә фортепиано, скрипка, саксофон, аккордеон, вокал, сынлы сәнгать, хореография белгечлекләре буенча мастер-класслар узачак, дип хәбәр итә районның "Знамя труда" газетасы сайты.

Бу дәресләрне Әлмәтнең Ф.Яруллин исемендәге музыка көллиятендә, 1нче Балалар музыка мәктәбендә, Картина галереясендә һәм Балалар-яшүсмерләр иҗаты үзәгендә күренекле музыкант, дирижер Владимир Спиваков исемен йөрткән фондның мөгаллимнәре, танылган мәдәният һәм сәнгать әһелләре үткәрәчәк. Шул ук көнне "Нефтьче" Мәдәният сараенда Владимир Спиваков фонды стипендиатлары, Әлмәт, Зәй, Сарман районнары иҗат коллективлары катнашында концерт узачак.

Шундый ук чаралар 19, 20, 21 ноябрь көннәрендә күрше Азнакай, Нурлат һәм Лениногорск районнарында да үтәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10