ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Хәвеф-хәтәр

Татарстан аучысы Чувашиядә үлгән

12 ноябрь 2016, 10:11

Ир-атны поезд бәрдереп киткән.

(Казан, 12 ноябрь, «Татар-информ»). Яшел Үзән шәһәре кешесе Чувашиядә тимер юлда алган җәрәхәтләрдән үлгән, дип хәбәр итә җирле вакытлы мәгълүмат чаралары.

Төрләмә-Свияжск станцияләре арасында 73 яшьлек Яшел Үзән шәһәре кешесе мәетен табып алганнар. Аның шәхесен кесәсендәге аучылык билеты аша ачыклыйлар. Мәет яннан ерак түгел ау мылтыгы да табылган.

Беренчел мәгълүматлар буенча, ир-ат тимер юл кырыеннан барган һәм күз күреме начар булу сәбәпле, якынлашып килгән поездны күрмәгән, ә ул аны бәрдереп киткән.

Әлеге факт буенча Чувашия Россия Эчке эшләр министрлыгының тимер юл линия бүлегендә тикшерү эшләре башланган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10