ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Сәясәт, Рәсми Татарстан

Россия политологлар җәмгыяте съездында катнашучыларга Путин телеграмма җибәргән

11 ноябрь 2016, 16:08

Владимир Путинның Казанга җибәргән телеграммасын РФ Президентының ИФОдагы тулы вәкаләтле вәкиле ярдәмчесе Алексей Симонов укыды.

(Казан, 11 ноябрь, «Татар-информ», Арсений Маврин). Россия Президенты Владимир Путин Россия политологлар җәмгыятенең II съездында катнашучыларга телеграмма җибәргән. Съезд исә бүген Казандагы “Корстон” комплексында пленар утырыш белән башланды.

Дәүләт лидеры Владимир Путинның телеграммасын РФ Президентының ИФОдагы тулы вәкаләтле вәкиле ярдәмчесе Алексей Симонов укыды.

“Соңгы ике елдагы эшчәнлегендә Россия политологлар җәмгыяте үзенең ихтыяҗлы икәнен раслады, ил һәм дөнья профессиональ политологлар бергәлегендә лаеклы рәвештә абруй казанды. Шуны билгеләп үтәм: съездның көн тәртибе гаять актуаль һәм зур кызыксыну уята. Россия гражданнары өчен гражданлык җәмгыяте, сәяси система үсеше рәвешенә һәм үзенчәлекләренә, эволюция перспективаларына, илнең әйдәп баручы сәяси көчләре стратегияләре һәм яңа өстенлекләре формалашуына илебез һәм чит илләр белгечләренең карашы мөһим. Шулай ук хәзерге заман халыкара мөнәсәбәтләрне аңлау, яңа глобаль каршылыклар һәм янаулар барлыкка килүе дә әһәмиятле”, - диелә Россия Президенты телеграммасында.

“Съезддагы чыгышларда һәм дискуссияләрдә иң мөһим мәсьәләләр кузгатылыр һәм, бәлки, инновацион карарлар тәкъдим ителер.

Сезгә уңышлы эшчәнлек, кызыклы дискуссияләр һәм Россия бәрабәренә казанышлар телим”, - диелгән Владимир Путин телеграммасында.

Казандагы съездда Россиянең барлык төбәкләреннән һәм дөньяның 26 иленнән (арада БДБ илләре, Бөекбритания, Франция, ФРГ, Италия, Гватемала, Бразилия һ.б.лар бар) 400гә якын делегат катнаша. Съездга чыгарылган төп тема: “Россия сәясәте: үзгәрүчән дөньяда көн тәртибе”.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10