ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Фән һәм мәгариф

Спас районы балалары Санкт-Петербургка сәяхәт иткән

11 ноябрь 2016, 02:56

Сәнгать мәктәбе укучылары әлеге мәдәни башкаланың зиннәтле сарайлары, истәлекле урыннары белән танышты.

(Спас, 10 ноябрь, “Татар-информ”, “Новая жизнь”). Спас районының сәнгать мәктәбе укучыларын көзге каникул көннәрендә Санкт-Петербургка алып барганнар. Бу хакта районның “Новая жизнь” газетасы язганча, Питер сәяхәтенә чыгарга теләүчеләр 30га җыелган, шуңа күрә 2 төркемгә бүленгәннәр.

Татарстан балалары укытучылары белән бергә шәһәрнең күренекле урыннарында булганнар, шул исәптән Павлов сараенда, Эрмитажда, башка музейларда. Болар барысы да укучыларга үзләренең мөмкинлекләрен тагын да киңрәк ачарга, иҗади идеяләрен тормышка ашырырга этәрәчәк, дип саный мәктәп директоры Ирина Илюхина. Аның сүзләренчә, Россиянең мәдәни башкаласына сәяхәттә шәһәр Башкарма комитеты ярдәм иткән. Нәтиҗәдә, укучылар да, аларның әти-әниләре дә канәгать, дип яза Спас районы басмасы.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10