ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Казанга Япония принцессасы Хисако Такамадо килде
Польшада татар милли ашлары көннәре бара
“Метаморфозы”: Нурбәк Батулла һәм аның командасыннан хореографиягә яңача караш
Рөстәм Миңнеханов ТР Дәүләт Советы утырышында катнашачак
Татарстан Президенты Испания Корольлегенең Россиядәге Илчесе белән очрашачак

Сәясәт

2017 елда федераль милли сәясәт программасын финанслау кимеми, ә 600 миллион сумга арта

2 ноябрь 2016, 23:18

РФ Дәүләт Думасы депутаты Илдар Гыйльметдинов дәүләтнең милли сәясәт программасында өстенлек биреләчәк проектлар турында хәбәр итте.

(Казан, 2 ноябрь, «Татар-информ», Александр Третьяков). Россиядә бюджет киеренке булуга карамастан, дәүләтнең милли сәясәт программасын финанслау кимеми, ә 600 миллион сумга артачак. Бу хакта РИА «Новости» һәм «Татар-информ» агентлыгы арасында оештырылган телевизион күпер барышында РФ Дәүләт Думасында Милли эшләр буенча комитет рәисе Илдар Гыйльметдинов сөйләде.

«Кайсыдыр юнәлешләрдә акчалар кимесә дә, әлеге программага (бәлкем ул яңа булгангадыр) быел 1,4 миллиард сум акча бүленде. 2017 елга әлеге программа кысаларында сигез юнәлешне тормышка ашыру максатыннан 2 миллиард сум планлаштырылды», – дип шәрехләде Россия парламенты вәкиле.

Илдар Гыйльметдинов Россия субъектларында төбәк программаларын, мәгариф программаларын финанслау, җирле аз санлы халыкларга ярдәм итү, милләтара багланышлар мониторингын үткәрү кебек проектларны өстенлекле дип билгеләп үтте. Шулай ук Дәүләт Думасы комитеты башлыгы мигрантларны адаптацияләү эшен көчәйтергә кирәклеген искәртте һәм Милләтләр эше буенча федераль агентлык вәкаләтләре киңәюен җиткерде.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10