ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Җәмгыять

Әтнәдә октябрь аенда туган балалар былтыргыдан ике тапкыр арткан

2 ноябрь 2016, 19:51

Районда 37 кыз, 37 малай дөньяга килгән.

(Әтнә районы, 2 ноябрь, “Татар-информ”, “Әтнә таңы”). Әтнә районы ЗАГС бүлегеннән алынган мәгълүматларга караганда, агымдагы ел башыннан төбәктә 74 бала туган, аларның 37се - малай, 37се - кыз. Шул ук вакытта 48 пар язылышкан, 15 пар аерылышкан, 170 әтнәле фани дөньядан киткән. 2015 елның гыйнвар – октябрь айларында 72 бала туган, 66 пар язылышкан, аерылышучылар 14 пар булган, 196 кеше вафат. Бу хакта "Әтнә таңы" газетасы хәбәр итә.

Аерым алганда, быел октябрь аенда барысы 6 бала – 3 кыз, 3 малай туган. Гаиләдә 2се 1нче бала булып дөньяга килгән, 1се - 2нче бала булып, 3се - 3нче булып. Шул ук вакытта 5 пар рәсми язылышкан, 1 пар аерылышкан,14 үлем очрагы теркәлгән. Узган елның октябрь аенда исә бары 3 кенә бала туган, 10 пар язылышкан, 1 пар аерылышкан булган, 11 кеше бакыйга китеп барган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10