ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Иран футбол җанатарлары Казанда машина түбәсендәге палаткаларда яши
Питрәчнең Кощак авыл җирлеге чикләре үзгәртелү турында закон проекты кабул ителде
Россиядә Чемпионат вакытында 4 млн кеше һава юлы транспортын сайлаган
Казандагы яңа метро станцияләренең исемнәре билгеле булды
Казанда Чемпионатка багышлап 6 килолы пәрәмәч пешерәләр

Рәсми Татарстан

Рөстәм Миңнеханов Шанхайның “Ляонин Ван Юй Хэ” компаниясе белән кызыксынды

1 ноябрь 2016, 07:30

Кытайлар Татарстанда җитештерелүче “Ансат” вертолеты турында күбрәк белергә тели.

(Казан, 1 ноябрь, «Татар-информ») Татарстан Кытай эшкуарлары һәм кайбер провинцияләр белән тыгыз хезмәттәшлек алып бара. Шулай ук ”Ляонин Ван Юй Хэ” компаниясе дә республика өчен кызыксыну уята. Татарстан Президенты Рөстәм Миңнеханов Шанхайда әлеге компания җитәкчелеге белән очрашты, дип хәбәр итә ТР Президенты матбугат хезмәте.

Бу сөйләшүдә Рөстәм Миңнеханов Кытай эшкуарлары Татарстандагы “Алабуга” махсус икътисади зонасында, “Аммоний” предприятиесендә үз проектларын уңышлы гына тормышка ашырып килүен искәртте. “Сезнең компания инфраструктура проектлары, авиация җиһазлары җитештерү белән шөгыльләнә, бу өлкәләр безне аеруча кызыксындыра”, - диде ТР Президенты очрашуда.

“Ляонин Ван Юй Хэ” компаниясе вәкилләре үз чиратында Татарстанда җитештерелүче “Ансат” вертолеты һәм кечкенә очкычлар белән кызыксынуын белдерде. Моннан тыш әле кытайлар нефть химиясе, шулай ук гуманитар өлкәләрдә дә хезмәттәшлек итәргә тели.

Рөстәм Миңнеханов “Ляонин Ван Юй Хэ” компаниясе җитәкчелеген Татарстанны килеп күрергә чакырды. Шулай ук Татарстан делегациясе дә хезмәттәшлекне җәелдерү максатында Кытайга тагын эшлекле сәфәр кылырга җыена.

 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10