ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Җәмгыять

Казан Дәүләт автоинспекциясе машина йөртүчеләрне шәһәрдән читкә чыкмаска өнди

28 октябрь 2016, 14:04

Кар көтелү сәбәпле, автомобильчеләргә тизлек арттырмаска киңәш ителә.

(Казан, 28 октябрь, «Татар-информ»). Һава шартлары начарлану, кар яву көтелү сәбәпле, автомобильчеләргә шәһәрдән читкә чыгарга киңәш ителми, дип хәбәр итә Россия Эчке эшләр министрлыгының Казан буенча идарәсе ЮХИДИ бүлеге матбугат хезмәте.

Автомобиль хуҗаларына транспорт чарасын кышкы сезонга әзерләргә һәм автомобильнең техник төзеклелегенә игътибар итәргә, яктырткыч приборларны, тәрәзә чистарткычны, электрүткәргечләрне аккумляторны һәр сәфәр алдыннан тикшерергә киңәш ителә.

Көзге-кышкы чорда автомобильчеләргә катлаулы юл-метеорологик шартларда юл хәрәкәте куркынычсызлыгын тәэмин итә торган тизлек сайларга кирәк. Куркыныч маневрлар ясаудан һәм каршы як полосага чыгудан тыелу, куркынычсыз дистанция һәм ян интервал саклау зарур.

Дәүләт автоинспекциясе кышкы шина җитештерүчеләр аларны бер атна дәвамында температура 5-7 градуска төшкәндә куярга киңәш итә, дип искәртә. Шиналарны вакытында алыштыру начар һава шартлары белән бәйле юл вазгыятендә йөртүчеләргә ышанычлы идарә итү мөмкинлеге бирәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10