ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Хәвеф-хәтәр

Казанның 18 нче төзәтү колониясендә тоткыннарны намазга азан чакыра башлаган

26 октябрь 2016, 12:28

Колониядә ислам дине гыйбадәтләрен үтәүче 40 тоткынга Татарстан Диния нәзарәте изге Коръән китаплары бүләк иткән.

(Казан, 26 октябрь, «Татар-информ»). Казанның 18 нче төзәтү колониясендәге гыйбадәт бүлмәсендә косметик ремонт үткәрелгән һәм тавыш көчәйткеч урнаштырылган. Хәзер тоткыннарны намазга азан чакыра, дип хәбәр итә Россия Җәзаларны үтәтү федераль хезмәтенең Татарстан буенча идарәсе матбугат хезмәте.

Шушы көннәрдә колониядә Татарстан мөселманнары Диния нәзарәте рәисе урынбасары Илдар хәзрәт Баязитов һәм Россия Җәзаларны үтәтү федераль хезмәтенең Татарстан буенча идарәсе җитәкчесе ярдәмчесе Рафаил Дәүлиев булган. Илдар хәзрәт колониягә бүләк итеп 24 данәдә изге Коръән китабын тапшырган һәм тоткыннарга вәгазь укыган, анда ул вакытларын заяга уздырмыйча, Коръән китабын укырга һәм изге гамәлләр кылырга чакырган.

Бүгенге көндә 18 нче төзәтү колониясендә 678 кеше җәза срогын үтә, шулардан 40 кеше ислам динен тота.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10